Եթե քաղաքացին 15 օրվա ընթացքում վճարի տուգանքի կեսը, ապա այն ամբողջությամբ վճարված կհամարվի

Կառավարությունն առաջարկում է փոփոխություններ կատարել վարչական իրավախախտումների վերաբերյալ օրենսգրքում։

Մասնավորապես, առաջարկվում է սահմանել, որ եթե քաղաքացին 15 օրվա ընթացքում վճարում է ճանապարհային երթևեկության կանոնների խախտման տուգանքի կեսը, ամբողջ տուգանքը համարվում է վճարված։ Իսկ եթե քաղաքացին գրանցվում է roadpolice.am կայքում և խախտումների վերաբերյալ ծանուցումներն ուզում է ստանալ էլեկտրոնային փոստով, ապա տուգանքի չափը կնվազեցվի 5%–ով։