Ոստիկանության բարեփոխումները այն օրինակն են, որտեղ մենք գլխապտույտ արագություն չենք զարգացնում, բայց մյուս կողմից մենք շատ հետևողական ենք, քանի որ երբեմն արագություն զարգացնելիս կարող ենք շատ նրբություններ բաց թողնել։ Այս մասին այսօր կառավարության նիստում հայտարարել է վարչապետ Նիկոլ Փաշինյանը՝ անդրադառնալով Ազգային գվարդիայի ստեծման նախագծին։
Նա նշեց, որ ոստիկանության բարեփոխումների թեմայով վերջին 2-3 տարիների ընթացքում 10-ից ավելի քննարկումների է մասնակցել։ «Ես կարծում եմ, մենք ունենք պատշաճ ու ամբողջական նախագիծ՝ ոստիկանության նոր համակարգ ձևրավորելու, որը ես ուզում եմ ընդգծել, համապատախան է մեր պետական կարգին ու ժողովրդավարության ձգտումներին։
Ոստիականությունը ուժային կառույց է և ուժ գործադրելու լեգիտիմ իրավունք պետք է ունենա, եթե չունենա այդ իրավունքը՝ ոստիկանությունը կդառնա անիմաստ կառույց, այլ բան, որ մենք պետք է ունենաք շատ հստակ ստանդարտներ, սա կարևոր է և քաղաքացուն պաշտպանելու համար, և ոստիկանին պաշտանելու համար։ Որովհետև հասկանում ենք, որ ոստիկանը իր ծառայության բերումով ծառայություն է մատուցում և մենք իրեն պետք է ուսուցանենք, որ ինքը չիմացության բերումով սահմանագիծը չանցնի՝ վնասելով և քաղաքացու շահերը և իր շահերը, որովհետև դրանից հետո գալու է պատասխանատվությունը։
