Օրերս հայտնի դարձավ, որ Ադրբեջանի դատախազությունը մեղադրանք է առաջադրել «Տաշիր Գրուպ» ընկերության սեփականատեր Սամվել Կարապետյանին, «Ռոյալսիս էնջինիրինգ» -ի սեփականատեր Դավիթ Գալստյանին,
«KOMEX» ընկերության գլխավոր տնօրեն Արա Աբրահամյանին՝ Հայաստանի Հանրապետության զինված ուժերին, Լեռնային Ղարաբաղին զենք, ռազմամթերք, պայթուցիկ նյութեր և ռազմական տեխնիկա մատակարարելու կեղծ մեղադրանքով:
Գործարարների նկատմամբ հայտարարվել է միջազգային հետախուզում:
ArmDaily.am-ի հետ զրույցում իրավապաշտպան Մարինա Պողոսյանը նշեց, որ եթե Հայաստանում լիներ նորմալ կառավարություն կամ դատախազություն՝ բնականաբար անելիք կունենար։ «Բայց երբ երկիրը անտերության է մատնված, ով ինչ ուզում է՝ կարող է հայտարարել։ Անգամ, եթե հիշում եք, Ալիևը մի օր ջղայնացել էր, ասում էր՝ հանկարծ չփորձեք բանակ հզորացնել ու փորձել ռևանշ անել, թե չէ՝ կգամ ու էլի պատերազմ կանեմ։ Անտեր երկիր է, ով՝ ինչ ուզում՝ անում է, մենք դատախազ ունենք, ես 2019 թ-ից գոռում եմ, որ դատախազ չունենք, այսինքն, մինչև մեր երկրում դատախազը, ՀՔԾ պետը, և այն փոքր բալիկը՝ Ռուստամ Բադասյանը, չդատվեն՝ ոչինչ իր տեղը չի ընկնի։ Արդարադատության նախարար է՝ առհասարակ ձայն չի հանում, ասում է՝ ինչ ուզում եք՝ արեք։ Երբ Ռուսաստանն ասում է՝ մեր մոտ թուրք սպանած հային էքստրադիցիա անեմ՝ թող գա, ձեր մոտ նստի, իսկ արդարադատության նախարարը ասում է, թե դա նպատակահարմար չէ, դրանից հետո ուզում եք, որ մտածեն Սամվել Կարապետյանի կամ Արա Աբրահամյանի մասի՞ն, ինչ ուզեն՝ կանեն, վաղը ինձ ու Ձեզ էլ են ռոզիսկ տալու։ Ինչո՞ւ «իմքայլականներից» չկան հետախուզվողների մեջ, թե՞ յուրայիններին ռոզիսկ չեն տալիս։ Հազիվ սրանք իրենց երկրի ներսում չագուչով ման գան։ Մարդ, որ չագուչը ձեռքն է վերցնում, պիտի էդ չագուչը գործի դնի, եթե էդ չագուչը դուխովության խնդիր է՝ ուրիշ հարց է, բայց էդ չագուչը պիտի տար արդարադատության նախարարի գլխին, ՀՔԾ պետի, Գլխավոր դատախազի գլխին, որ էսօր մեզ մեր հավաքական արժանապատվությունը ստորացնողին կարողանային որևէ պատասխան հնչեցնել։ Բայց մյուս կողմից էլ Պատրոն Դավիթի մասով միգուցե Ադրբեջանը հետախուզում է հայտարարել, քանի որ ուզում են տանեն իրենց մոտ պարգևատրե՞ն։ Բայց ինչ վերաբերում է գործարարներին, իսկ ինչո՞ւ չանեն, էստեղից պատվերը լինում է, էնտեղից էլ հետախուզում են հայտարարում էլի»։
Իրավապաշտպանն ընդգծեց, որ եթե երկրում նորմալ կառավարություն լիներ, ապա Ալիևը չէր համարձակվի հետախուզում հայտարարել։ «Եթե նորմալ իրավիճակ լիներ երկրում՝ Ալիևը ո՞ւմ շունն է, որ նման բաներ աներ կամ հետախուզում հայտարարեր, նա ընդհանրապես չէր համարձակվի, հիմա տեսնում է, թե էս խեղկատակներն ինչ են անում, ոնց են 100-ավոր զինվորների դիակներ շպրտել մի տեղ, թե ոնց են զինվորների դիակներն անարգում, դրանից էլ լկտիանում են։ Ամեն մարդու վերաբերվում են այնպես, ինչպես ինքը թույլ է տալիս, դա նաև պետությանն է վերաբերվում, պետությանն էլ վերաբերվում են այնպես, ինչպես թույլ են տալիս։ Որովհետև մեր պետությունը ոչ իր զինվորին գնահատեց, ոչ իր քաղաքացուն գնահատեց, ոչ էլ հայրենասիրությունը»։
