Հարավային Կովկասի զարգացումը ռազմավարական դեր ունի Ադրբեջանի, Վրաստանի և Հայաստանի համար, հայտարարել է Վրաստանի արտաքին գործերի նախարար Մայա Բոճորիշվիլին Թբիլիսիում երեք երկրների արտաքին գործերի նախարարների տեղակալների հանդիպման ժամանակ, հաղորդում են վրացական լրատվամիջոցները։
«Հարավային Կովկասն ունի հսկայական ներուժ, որը մենք կարող ենք միասին իրացնել։ Մեզ համար կարևոր է տարածաշրջանի վերաբերյալ մեր տեսակետների փոխանակումը և եռակողմ համագործակցության հնարավորությունների ուսումնասիրությունը», — նշել է նա։
Եռակողմ հանդիպումն անցկացվում է փակ ձևաչափով՝ Վրաստանի, Ադրբեջանի և Հայաստանի արտաքին գործերի փոխնախարարներ Լաշա Դարսալիայի, Էլնուր Մամեդովի և Վահան Կոստանյանի մասնակցությամբ։
