Նիկոլ Փաշինյանը երեկ ՆԳՆ այցի ընթացքում տեղեկացրել է, որ վերացվելու է ոստիկանության մարզային վարչությունները, 4 հիմնական ուղղություններով՝ Քրեական ոստիկանություն, Պարեկային ծառայություն, Ոստիկանական գվարդիա և Համայնքային ոստիկանություն, ստորաբաժանումները Երևանում և մարզերում ունենալու են իրենց տարածքային ստորաբաժանումները՝ ուղղաձիգ և արդյունավետ կառավարմամբ։
Oragir.News-ը թեմայի շուրջ զրուցեց իրավապաշտպան Մարինա Պողոսյանի հետ, ով մեր հարցին՝ ինչու է Փաշինյանն օպտիմալացնում ՆԳՆ կառույցն ու ուղղաձիգ կառավարում հաստատում, պատասխանեց․ «Վերանցնեն, չվերացնեն՝ որ կան, ի՞նչ օգուտ են տալիս։ Ճիշտ է անում, պետք է Ոստիկանությունն էլ վերացնի, անիմաստ աշխատավարձ են ստանում։ Իմ կողմից իրեն խորհուրդ․ կարող է Քննչականն ու Դատախազությունն էլ փակել, որ կան, ի՞նչ։ Իրենք աշխատում են նրա համար, որ ընդդիմադիր գործիչներին վերաբերյալ ինչ-որ գործեր անեն, բայց եթե իշխանության ներկայացուցիչ է, նրանց վրա բացարձակապես օրենքը չի գործում․․․ Թող բոլորին հանի գործից, թողնի մենակ պարեկներին ու կարմիր գծերը»։
Անդրադառնալով ջրային պարեկային ստորաբաժանման ստեղծմանը՝ իրավապաշտպանը ասաց․ «Դա շատ կարևոր է, քանի որ Հրազդանի կիրճում չռիկ գոյություն ունի, որի տակ մարդիկ լողանում են, այդտեղ պարտադիր են ջրային պարեկները։ Եթե մի երկրիր, որտեղ ծով չկա, ջրային պարեկը ո՞րն է»։
© ORAGIR.NEWS https://oragir.news/hy/material/2024/01/12/103251
