Տիգրան Ավինյանը հանդես է գալիս տարեվերջյան ամփոփիչ ասուլիսով։
Խոսելով խցանումներից՝ Ավինյանը նկատեց․ «Պետք է հասկանալ, թե ով է բուրգի գագաթում գտնվում․ ո՞ւմ ենք մենք տալիս առաջնություն։ Առաջնություն պետք է տրվի հետիոտնին։ Հետիոտնի հարմարավետությունն ամենակարևորն է»։
Նա նշեց, որ հանրային տրանսպորտը ահռելի դեր ունի քաղաքի բեռնաթափման հարցում։
«Մենք հիմա 75 գիծ ունենք, մեր նպատակն է ունենալ 42 գիծ, այսինքն՝ օպտիմալացնել»,- նկատեց նա։
Ավինյանը հույս հայտնեց, որ հասարակական տրանսպորտի համակարգի զրագացումը կօգնի քաղաքի բեռնաթափմանը։
«Եթե մենք այս քայլերը չիրականացնենք, ապա պետք է հետագայում քննարկենք նաև որոշակի զոնաների սահմանափակումներ, փողոցներ, որոնք կդառնան ամբողջապես հետիոտնային։ Քաղաքը պետք է լինի նախ և առաջ մարդկանց համար, հակառակ դեպքում ավտոմեքենաները անվերջ կշատանան։ Պետք է գործեն սահմանափակումներ անհատական ավտոմեքենաների համար»,-ասաց նա։
