Իշխանությունն իր համար ստեղծում է ևս մեկ լծակ՝ ընտրության արդյունքները չեղարկելու համար, որովհետև հնարավորություն էր տրվում կառավարության կողմից միակողմանի ռազմական կամ արտակարգ դրության հայտարարման միջոցով ընտրության հաջորդ օրը պայմանականորեն չեղարկելու այդ նախնական արդյունքները և նշանակելու վերաքվեարկություն։ Այս մասին, այսօր՝ նոյեմբերի 8-ին, ԱԺ-ում լրագրողների հետ զրույցում ասաց «Լուսավոր Հայաստան» կուսակցության անդամ Դավիթ Խաժակյանը:
Նրա խոսքով՝ կառավարությունը կարող է տեսնել, որ չի ձևավորվում մեծամասնություն, դաշնակից չի գտնում անցնող ուժերի շարքում և արհեստական ինչ-որ իրավիճակով արտակարգ կամ ռազմական դրություն հայտարարի և դրանով զրոյացնի ընտրությունների արդյունքները։
«Սա անընդունելի լուծում էր: Այս դեպքում անգամ չունենք Ազգային ժողովի փոխզսպումը, որովհետև կա տպավորություն մարդկանց մոտ, թե Ազգային ժողովը հաստատում է ռազմական կամ արտակարգ դրությունը, բայց իրականում այն անմիջապես ուժի մեջ է մտնում կառավարության կողմից և ԱԺ-ն կարող է այն չեղարկել։
Այսինքն, եթե ժամեր անց Ազգային ժողովը նույնիսկ չեղարկի ամբողջությամբ, արդեն կառավարությունը պետք է ասի, որ ընտրությունների արդյունքները զրոյացվում են, միլիոններով մարդիկ գնացել են տեղամաս, իրենց կամարտահայտությունը զրոյացվում է»,- ընդգծեց նա։
Ամբողջական հոդվածը սկզբնաղբյուրում՝https://news.am/arm/news/851496.html
