Արագածոտնի մարզի դատախազությունում շարունակաբար՝ ամիսներ շարունակ, ՀՀ գլխավոր դատախազության կայքում նշված համարներով error է, որն ըստ էության “տեռորի” և սթրեսի է ենթարկում մարզի դատախազության հետ կապ հաստատելու անհրաժեշտություն ունեցող քաղաքացիներին։ Սույն խնդիրը մեկօրյա կամ մեկամսյա չէ, փաստացի արհեստականորեն խոչընդոտվում է քաղաքացու կապը և խաթարվում դատախազության հասանելիությունը բնակչությանը, ում հարկերի հաշվին էլ վերջիններս ստանում են աշխատավարձ։ Փաստորեն, այս խնդրի բարձրաձայնումն ու լուծումն է՞լ մնաց մեր վրա։ Անհնարին է պատկերացնել կամ ենթադրել, որ վերջիններս խնդրից անտեղյակ են կամ չունեն համապատասխան միջոցներ բնականոն հեռախոսակապ ապահովելու։
