Այսօր՝ օգոստոսի 14-ին, լրանում է «Սուրմալու» առևտրի կենտրոնում տեղի ունեցած ողբերգական պայթյունի 2-րդ տարելիցը, սակայն դեպքից 2 տարի անց ոչ ոք պատասխանատվություն չի կրել, և ի վերջո չի բացահայտվել ողբերգական պայթյունի պատճառները։
Oragir.News-ը թեմայի վերաբերյալ զրուցեց իրավապաշտպան Մարինա Պողոսյանի հետ, ում խոսքով՝ Հայաստանում հանրային նշանակություն ունեցող որևէ գործով, որևէ մեկը պատասխանատվություն չի կրել։
«Մեկ ամսից էլ լրանում ա Արցախի վաճառքի մեկ տարին կամ 2028 թվականին լրանում ա մարտի 1-ի 20 տարին, հոկտեմբերի 27 էլ չգնամ։ Ո՞վ ա մինչև այսօր պատասխան տվել, որ «Սուրմալուի» դեպքերի համար պատասխան տան։ Կա՞ ընդհանրապես պատասխանատվության մասին խոսք։ Կամ ո՞վ պետքա քննի, որ պատասխան տան՝ Քյարամյա՞նը, Սասուն Խաչատրյա՞նը կամ պետքա պատասխան տան Հակակոռուպցիոն դատարա՞նում, որը որպես դատարան գոյություն չունի, թե՞ Դատախազությունում։ Ինչի՞ որևէ մեկը կարծում էր, որ որևէ մեկը պետք է պատասխան տա՞ երկրում եղածի համար։ Մեր մոտ արդարադատություն չկա, օրենք չկա մեր մոտ իմիտացիա է»,-ասաց իրավապաշտպանը։
Մարինա Պողոսյանի կարծիքով՝ այն բոլոր կառույցները, որոնք գործում են Հայաստանում, ստեղծվել են միայն աշխատավարձ տալու համար․ «Որևէ մեկը ինձ կարող է՞ ցույց տալ մի հանրային նշանակություն ունեցող դեպք, օրինակ՝ գողություն, թալան, պայթյուն, սպանություն, որի համար որևէ մեկը պատասխան է տվել։ Հոկտեմբերի 27-ին մտան ԱԺ սպանդ իրականացրեցին, 5000 զինվոր տարան պատերազմում «հանուն ոչնչի» սպանեցին։
Ամբողջական հոդվածը սկզբնաղբյուրում՝ © ORAGIR.NEWS
