Այսօր Արցախից բռնի տեղահանված մեր քույրերի և եղբայրների հետ հերթական անգամ մեր արդար պահանջը ներկայացրեցինք ՀՀ գլխավոր դատախազ Աննա Վարդապետյանին:
Մեր պահանջը կայանում էր նրանում, որ տիկին Վարդապետյանի գլխավորած գերատեսչությունը չի կատարում օրենսդրությամբ ամրագրված պարտականությունները, չի իրականացնում պատշաճ հսկողություն ՀՀ Քննչական կոմիտեում Արցախի ներդրումային հիմնադրամից իրականացված թալանի վերաբերյալ նախաձեռնված քրեական վարույթների նկատմամբ, ինչով և խոչընդոտում է ՀՀ-ում կոռուպցիայի դեմ հայտարարված համակարգային պայքարին:
Ամիսներ շարունակ մենք բարձրաձայնում ենք Արցախի ներդրումային հիմնադրամից ավելի քան 467 մլն. դոլար յուրացրած բարձրաստիճան ստահակների և նրանց անպատելիության մասին , ներկայացնելով փաստեր և ապացույցներ, սակայն ՀՀ գլխավոր դատախազությունը բացառապես անհաղորդ է:
Այսօր ՀՀ գլխավոր դատախազություն են եկել թե հայաստանցիներ, թե բազմաթիվ խնդիրներ ունեցող արցախցիներ հասկանալու թե ինչ իրական պատճառներից դրդված է դատախազությունը նման դիրքորոշում որդեգրել: Արդյո՞ք բարձր ամբիոններից իշխանությունների հայտարարված կոռուպցիայի դեմ պայքարը միայն թղթային բնույթ է կրում: Այսօր Վելես ՀԿ -ի կազմակերպած ակցիային են մասնակցում նաև Ստեփանակերտի բենզինի պահեստի պայթյունի հետևանքով զոհված քաղաքացիների հարազատները,որոնք ևս իրենց օրինական պահանջն էին ներկայացնում Աննա Վարդապետյանին, պահանջելով գործի արդար քննություն: Դատախազության և քննչական մարմինների բացառիկ անգործությունից ստեղծվում է հստակ տպավորություն, որ արցախցիների հետ կատարվածը ՀՀ-ում իշխանությունների չի հետաքրքրում, որ Արցախը չի եղել ընդհանրապես ու իշխանությունների նպատակն էր այն շուտ հանձնել, փակել ինչպես մի վնասով աշխատող կազմակերպություն և հնարավորինս շուտ մոռանալ նրա եղելության մասին, որ կոռուպցիան որը ախտահարել էր Արցախը, Հայաստանի ՝ աշխարհի բարձր ատյաններում իբրև կոռուպցիայի դեմ ,, մարտընչող,, իշխանություններին ընդհանրապես չի հետաքրքրում: Ակամայից հարց է ծագում ՝ պայքար կոռուպցիայի դեմ թե աճպարարություն:
