Գլխավոր դատախազությունը կառավարությունից 20 մլն դրամ է պահանջում, որից 8 մլն դրամը ծախսվելու է բենզին գնելու վրա, իսկ 12 մլն դրամով ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչության համար ձեռք են բերելու փորձաքննությունների ծառայություններ։ Այս մասին Factor.am-ը տեղեկանում է դատախազության մշակած որոշման նախագծից։ 2023 թվականի նոյեմբերի 13-ի դրությամբ կատարվել է 661 հետազոտելի օբյեկտների փորձաքննություն, որի արժեքը կազմել է ընդհանուր 34 մլն 641 հազ դրամ։ Ակնկալվող 12 մլն դրամի շրջանակներում էլ իրականացվելու է 228 հետազոտելի օբյեկտների փորձաքննություն։
Ամբողջական հոդվածը կարող եք կարդալ այս հասցեով՝ https://factor.am/721385.html
© factor.am
