Ով է ԱԺ նախկին պատգամավորի որդուն կալանքից ազատած դատավորը.Զինվորի ինքնասպանությունն ու դատավոր Դավիթ Հարությունյանը 

2020 թվականի Հունվարի 30-ին՝ՊԲ զորամասերից մեկում ինքնասպան էր եղել զինծառայող Վահրամ Ավագյանը:

Զինվորի մահվան դեպքից հետո պարզ դարձավ, որ իրավապահ համակարգը անգործության է մատնված եղել եւ աչք են փակել, ՊԲ զորամասերից մեկում տիրող իրավիճակին: Մասնավորապես հայտնի հայրիկների որդիների համար նախատեսված էլիտար զորամասում ով ինչ ուզում անում է:

Բանն այն է,որ մինչ Վահրամ Ավագյանի մահվան դեպքը ՊՆ թեժ գիծ ահազանգ էր եղել, որ ՊԲ զորամասերից մեկում Աժ նախկին պատգամավոր Առաքել Մովսիսյանի որդին նեղացնում է զինվորներին, սակայն ոչ իրավապահները,ոչ ռազմական ոստիկանությունը հետամուտ չէին եղել ահազանգին, ինչի արդյունքում եղավ զինվորի չարբաստիկ դեպքը:

Ինչեւէ զինվորի ինքնասպանության գործով կալանավորվեցին Ավագյանի համածառայակիցներ Աժ նախկին պատգամավոր Առաքել Մովսիսյանի որդին՝ Դավիթ Մովսիսյանը, Խաչիկ Արմենի Գասպարյանը, Սպարտակ Արթուրի Ավետիսյանը:

Նրանք ձերբակալվել էին ՀՀ քրեական օրենսգրքի 359-րդ հոդվածի 3-րդ մասով նախատեսված հանցավոր արարք կատարելու կասկածանքով` այն է զինծառայողների փոխհարաբերությունների կանոնագրքային կանոնները խախտելը նրանց միջև ստորադասության հարաբերությունների բացակայության դեպքում: Նախաքննությունը շարունակվում է:

Տպավորությունն այնպիսին էր, որ զինվորի մահվան գործով բոլոր պատասխանատուները կկանգնեն դատարանի առաջ, սակայն ինչպես ցույց են տալիս դեպքերն ու քննությունը պատկերը միանգամայն այլ է:

Դեպքից 6ամիս անց 2020 թվականի հուլիսի 27-ին Երևան քաղաքի դատարանը ազատ արձակեց Աժ նախկին պատգամավորի որդուն՝ Դավիթ Մովսիսյանին: Իսկ որ դատավորի թեթեւ ձեռքով նախկին պատգամավորի որդին ազատ արձակվեց, այդպես էլ շատերին մնաց առեղծված: Ահա այստեղ էլ թաղված է շան գլուխը: Մեզ հասած տեղեկությունների համաձայն Առաքել Մովսիսյանի որդուն կալանքից ազատ արձակած դատավորը Երեւան քաղաքի ընդհանուր իրավասության դատարանի դատավոր Դավիթ Հարությունյանն է կամ բոլորին հայտնի Սերժ Սարգսյանի անվտանգության պետ Հրաչյա Հարությունյանի՝ Կրակեմ Հրաչի որդին:  Եվ ահա այստեղ հարց է առաջանում, Արդյո՞ք դատավոր Հարությունյանի որոշման մեջ կոռուպցիոն ռիսկեր առկա չեն կամ արդյո՞ք դատավորը օբյեկտիվ է եղել որոշում կայացնելիս: Փաստ է մեկ բան, որ Առաքել Մովսիսյանը Սերժ Սարգսյանի ղեկավարած կուսակցության անդամ է ու չի բացառվում, որ դատավոր Հարությունյանը, միգուցե, իր հայրիկի ղեկավարին հաճոյանալու համար նրա թիմակցի որդուն ազատ արձակեց կալանքից: Ստացվում է զինվորը ինքնասպան է եղել կամ նրան հասցրել են այդ քայլին, իսկ ահա դեպքի առթիվ հարուցված քրեական գործով անցնողները ազատ են արձակվում, իսկ գործն էլ քննչականներում ամիսներով «ծածկադմփոց» անում:

Ա.Թովմասյան