• May 16, 2019

Մարտի 1-ի դեպքերի ժամանակ 120 մլն դրամ է բաժանվել զինծառայողներին. գլխավոր դատախազ

Մարտի 1-ի դեպքերի ժամանակ 120 մլն դրամ է բաժանվել զինծառայողներին. գլխավոր դատախազ

ՀՀ գլխավոր դատախազ Արթուր Դավթյանը՝ ամփոփեց մեղադրող դատախազների առարկությունները: Նա նշեց, որ 14 էջանոց մեղադրանքի որոշումը փորձ է արվել ներկայացնել աղճատված եւ տեքստից կտրված։ «Մինչդեռ այս մեղադրանքը տրամաբանական մեկ ամբողջ շղթա է իրենից ներկայացնում։ Ուստի ես ստիպված եմ ևս մեկ անգամ ներկայացնել մեղադրանքի էությունը»,- նշեց Դավթյանը եւ ներկայացրեց մեղադրանքի որոշման էությունը:

«…Մեր գնահատմամբ՝ դա մի գործողություն է, որն ուղղակիորեն արգելվում է Սահմանադրության 8.2 հոդվածով։ Այն ամրագրում է, որ զինված ուժերը քաղաքական հարցերում պահպանում են չեզոքություն։ Հենց այս պահից զինված ուժերը ներգրավվել են քաղաքական գործընթացներում։ Կրկնում եմ՝ ընտրական գործընթացը դեռեւս չավարտված՝ որեւէ կերպ չվիճարկվող խաղաղ հավաքների պայմաններում…

Զորքերը հանրապետության տարբեր հատվածներից, այդ թվում՝ մարտական հերթապահություն իրականացնող սահմանապահ, տեղափոխվել են մայրաքաղաք, որտեղ հենց կիզակետն էր այդ քաղաքական իրադարձությունների։ Ավելին, այդ զորամիավորումներից համապատասխան պատրաստություն են անցել, որոնք միտված են եղել հենց ցույցը  Ակնհայտ էր, որ մարտի 1-ի լուսադեմի բռնի գործողությունները բերելու էին հակազդեցության։ Իսկ ինչու ընտրվեց հենց այդ պահը՝ մարտի 1-ի առավոտը․ որովհետեւ այլեւս դա անհանգստացնող չէր, քանի որ մայրաքաղաքում կար մարտական բարձր պատրաստություն ունեցող բավականաչափ զորք, որը կարող էր ճնշել այդ հուզումները։ Եվ սրան հաջորդում է արդեն տրամաբանական հաջորդ քայլը․ կանխատեսելի բախումների ֆորմալ հիմքով հայտարարվում է արտակարգ դրություն «օրինականացնելով» բանակի ուղղակի զինված միջամտությունը։ Պաշտպանական կողմը փորձեց հիմնավորել այդ հրամանագրի անհրաժեշտությունը, իրավաչափությունը և դրանով բանակի միջամտության համաչափությունը։ Հիմա հարց է ծագում․ իրենց պաշտոնական պարտականություններն ըստ իրավաչափ հրամանի կատարած զինծառայողներին ցուցակով, ոչ պետական միջոցներից վարձատրություն տալու տրամաբանությունը ո՞րն էր։ Իսկ գործող օբյեկտիվ ապացույցներ են ձեռք բերվել այն մասին, որ ոչ պետական միջոցներից, գործով մյուս մեղադրյալների հրամաններով շուրջ 120 միլիոն դրամի վարձատրություն է բաժանվել մայրաքաղաքում տեղակայված համապատասխան զինծառայողներին»,- նշեց դատախազը:

Մանրամասն՝ տեսանյութում:

© 1in.am