• March 12, 2019

10 անշարժ գույք, 101 մլն դրամ, 400 հազար դոլար եւ 100 հազար եվրո. Էդուարդ Բաբայանի ունեցվածքը

10 անշարժ գույք, 101 մլն դրամ, 400 հազար դոլար եւ 100 հազար եվրո. Էդուարդ Բաբայանի ունեցվածքը

ՀՀ Ազգային ժողովի Բարգավաճ Հայաստան խմբակցության պատգամավոր Էդուարդ Բաբայանը պաշտոնական պարտականությունները ստանձնելուց (14.01.2019) հետո 2019 թվականի փետրվարի 13-ին բարձրաստիճան պաշտոնատար անձանց էթիկայի հանձնաժողով է ներկայացրել իր գույքի եւ եկամուտների հայտարարագիրը։

Բաբայանը հայտարարագրել է 10 անշարժ գույք՝ 3 բնակարան բազմաբնակարան բնակելի շենքում, 4 ավտոտնակ, 1 առանձնատուն, 1 հողին ամրակայված շինություն եւ 1 հասարակական նշանակության շինություն։ Ըստ հայտարարագրի Բաբայանը չունի շարժական գույք։

Բաբայանի դրամական միջոցները պաշտոնական պարտականությունները ստանձնելու օրվա դրությամբ կազմել են՝ 101 մլն 235 հազար դրամ, 400 հազար 530 դոլար, 100 հազար 540 եվրո եւ 1 մլն 69 հազար ռուբլի։

Բաբայանի եկամուտները այս տարվա հունվարի 1-ից մինչ պաշտոնական պարտականությունները ստանձնելու օրը կազմել է 370 հազար 660 դրամ, որը գոյացել է աշխատանքի դիմաց ստացված վարձատրությունից։

© Armtimes.com