Քոչարյանի ընտանիքին պատկանող բիզնեսների մասով քր. գործ կա հարուցված. ԱԱԾ-ն համապատասխան հայտարարություն կանի. Վանեցյան

Քոչարյանի ընտանիքին պատկանող բիզնեսների մասով ԱԱԾ-ն համապատասխան հայտարարություն կանի: Այս մասին այսօր լրագրողների հետ ճեպազրույցի ժամանակ ասաց Ազգային անվտանգության ծառայության տնօրեն Արթուր Վանեցյանը՝ անդրադառնալով Քոչարյանի ընտանիքին պատկանող բիզնեսների մասին իր նախկինում արված հայտարարությանը:

«Ինչ վերաբերվում է իմ հայտարարությանը՝ Քոչարյանի ընտանիքին պատկանող բիզնեսների մասին, ապա քրեական գործ կա հարուցված, իրականացվում է քննություն եւ արդյունքների մասին կլինի համապատասխան հայտարարություն ԱԱԾ քննչական դեպարտամենտի կողմից»,- ասաց Վանեցյանը: