Ի՞նչ ունեցվածք ունի Սյունիքի մարզպետ Հունան Պողոսյանը.Տեսանյութ

Zham.am-ը ներկայացնում է Սյունիքի մարզպետ Հունան Պողոսյանի ունեցվածքը՝ ըստ բարձրաստիճան պաշտոնատար անձանց էթիկայի հանձնաժողով ներկայացրած հայտարագրի:

2018 թվականի պաշտոնի ստանձման հայտարարագրում, որը ներկայացվել է 2018 թվականի նոյեմբերի 5-ին, Հունան Պողոսյանը գրանցել է 15 մլն դրամ և 20 հազար դոլար դրամական միջոց:

Եկամուտները կազմել են 6 մլն 445 հազար 176 դրամ, որը գոյացել է հետևյալ միջոցներից

4 մլն 794 հազար 22 դրամ՝ աշխատանքի վարձատրություն,
1 մլն 651 հազար 154 դրամ՝ կենսաթոշակ:

Անշարժ և շարժական գույք գրանցված չէ:

2017 թվականի տարեկան հայտարարագրում, որը ներկայացնելու ժամանակ Պողոսյանը զբաղեցնում էր ՀՀ ոստիկանության պետի առաջին տեղակալի պաշտոնը, գրանցված է 5 մլն 884 հազար 272 դրամ եկամուտ, որը գոյացել է աշխատանքի վարձատրությունից:

Դրամական միջոցները կազմել են 20 մլն դրամ և 20 հազար դոլար;

Հունան Պողսյանի կնոջ՝ Նունե Պողոսյանի 2017 թվականի հայտարարագրում գրանցված է 7 մլն դրամ և 5000 դոլար դրամական միջոց:

Հունան Պողոսյանի որդու՝ Հրաչյա Պողոսյանի 2017 թվականի հայտարարագրում գրանցված է 3 մլն 629 հազար 400 դրամ եկամուտ, որը գոյացել է աշխատանքի վարձատրությունից: