«Ղարաբաղում ռուս խաղաղապահներն արել են գլխավորը, ինչի մասին չպետք է մոռանալ: Նրանք խաղաղություն և կայունություն են բերել հակամարտող տարածաշրջան», հայտարարել է ՌԴ փոխարտգործնախարար Միխայիլ Գալուզինը News.ru պորտալին տված հարցազրույցում, որը հրապարակվել է ՌԴ ԱԳՆ պաշտոնական կայքէջում։
«Ռուսական խաղաղապահները հեռանում են տարածաշրջանից։ Կրեմլում պարզաբանել են, որ Երևանի կողմից Ադրբեջանի տարածքային ամբողջականության ճանաչումը խաղաղապահների համար առաքելության ավարտ է նշանակում։ Ինչպե՞ս կգնահատեք Ռուսական խաղաղապահ զորախմբի (ՌԽԶ) գործունեությունը», հարցին ռուս գիվանագետը պատասխանել է․ «Ռուսաստանի, Հայաստանի և Ադրբեջանի ղեկավարների 2020 թվականի նոյեմբերի 9-ի եռակողմ հայտարարարության հիման վրա ՌԽԶ մտել է տարածաշրջան և պայմաններ ստեղծել, որ հայերն ու ադրբեջանցիները կարողանան քննարկել և գործարկել հարաբերությունների կարգավորման հիմնական ուղիները, այն է՝ տրանսպորտային կոմունիկացիաների ապաշրջափակումը, սահմանազատման գործընթացը, խաղաղության պայմանագրի մշակումը, քաղհասարակության կապերի զարգացումը և այլն։ Աշխատանքներն այս բոլոր ուղղություններով ընթացքի մեջ են, թեև տարբեր արագությամբ»։
Շարունակությունը այստեղ՝ https://oragir.news/hy/material/2024/05/15/116960
