- October 16, 2018
Հունան Պողոսյան՝ 100 միլիոն ունեցողը, Իրանի հետ բիզնես անողը և ռուսահայ միլիարդատերի խնամին
Վարչապետ Նիկոլ Փաշինյանը, որը ընդամենը 4 ժամից հրաժարական է տալու, այսօր կառավարության նիստին հաստատեց նախկին փոխոստիկանապետ Հունան Պողոսյանի՝ Սյունիքի մարզպետ նշանակումը։ Սյունիքի մարզը կարծես փորձադաշտ է Հայաստանի բոլոր կառավարություների համար՝ ամենախնդրահարույց անձանց նշանակումների առումով։ Ժամանակին՝ Սուրիկ Խաչատրյանը, այսօր՝ Հունան Պողոսյանը։
Ով է Հունան Պողոսյանը
2008-ին ոստիկանության Արարատի մարզային վարչության պետ Հունան Պողոսյանը Սերժ Սարգսյանի հրամանով դարձավ կազմակերպված հանցագործությունների վարչության պետ։ Ժամանակաշրջանը՝ 2008-ի մարտի 1-ի դեպքերից հետո։ Նախորդ նախագահը՝ Ռոբերտ Քոչարյանը նույնպես գոհ էր Հունան Պողոսյանի աշխատանքից և 2006-ին պարգևատրել էր “Հասարակական կարգի գերազանց պահպանման համար” մեդալով։
2012-ին Պողոսյանը համարվում էր ոստիկանության ամենահարուստ աշխատակիցը՝ տարեկան 4,5 միլիոն դրամ աշխատելով հայտարարագրելով մոտ 100 միլիոն դրամ։
Պողոսյանի եղբայրը
Հունան Պողոսյանը “Տաշիր գրուպի” Սամվել Կարապետյանի խնամին է։ Պողոսյանի որդի Հրաչյա Պողոսյանի կինը Կարապետյանի քրոջ դուստրն է։ Պողոսյանի որդին նույնպես աշխատում է “Տաշիր գրուպում”։
Սամվել Կարապետյանը մեկ անգամ չէ, որ հետաքրքրված է եղել Հայաստանի նավթի ու գազի պաշարներով։ Ո՞վ գիտի՝ միգուցե շուտով նրան հետաքրքրի մոլիբդենը։