Հերթական կամայականություն թե՞ հաճախորդից հավելյալ «փող քերելու» հերթական բանկային տրյուկ։
Առաջին անգամ չէ, որ ելնելով քաղաքացու «նեղ» վիճակից/գիտելիքների պակասից ՀՀ-ում գործող բանկերը փորձում են քաղաքացուց հավելյալ գումար կորզել թղթադրամների «մաշվածության» պատճառով։ Ստեղծվում է տպավորություն, որ քաղաքացիները իրենք են թղթադրամներ արտադրում, դրանք մաշեցնում և ներկայացնում բանկերին։ Ի դեպ խդիրը վերաբերվում է ցանկացած արտարժույթին, ինչպես նաև Հայաստանի ազգային արժույթին՝ դրամին։
Խնդրո առարկա հանդիսացող հետևյալ թղթադրամները հաճախորդի պահանջով ֆիքսվել Յունիբանկ ԲԲԸ Երիտասարդական մասնաճյուղում և անզեն աչքով տեսանելի վնասվածքներ չեն պարունակում։ Փաստացի, ըստ ՀՀ կենտրոնական բանկի, շարքային քաղաքացին պետք է զինվի առնվազն մանրադիտակով կամ շուրջօրյա ռեժիմով կողքին պահի «Ցունիբանկ»-ի աշխատակից, որը թղթադրամը մերսելով /շոշափելով/զննելով հայտնաբերի անզեն աչքով անտեսանելի թերությունները և 3% -ով նվազեցնի թղթադրամի արժեքը։
Ստեղծվում է տպավորություն, որ ով ոնց կարողանում է քաղաքացուն արհեստածին խնդիր է ստեղծում։ Թղթադրամները քաղաքացին չի տպում՝ եթե խնդիր կա հանեք շրջանառությունից, ոչ թե քաղաքացուց 3% պահեք ու հետո նորից շրջանառության մեջ ներառելով նույն թղթադրամը ՝ արտարժույթի փոխանակման կետերի միջոցով ամբողջ արժեքով վերավաճառեք քաղաքացուն։
Ե․Ադամյան
