42 մլն դրամ Սահմանադրական դատարանին՝ նախագահին ու դատավորներին հավելավճարներ տալու համար

Կառավարությունն այսօր պահուստային ֆոնդից 42.7 մլն դրամ կհատկացնի ՍԴ անդամներին 80 % հավելավճար տալու համար:

Որոշման հիմնավորման մեջ ասվում է. «Նախագծի ընդունումը պայմանավորված է 2022 թվականի հուլիսի 10-ից ուժի մեջ մտած «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ և փոփոխություն կատարելու մասին» օրենքի կարգավորումներով, համաձայն որի Սահմանադրական դատարանի նախագահի, փոխնախագահի և դատավորի համար սահմանվել է հավելավճար՝ պաշտոնային դրույքաչափի 80 տոկոսի չափով:

Օրենսդրական դրույթների պահանջներն ապահովելու նպատակով անհրաժեշտություն է առաջացել ՀՀ 2022 թվականի պետական բյուջեով նախատեսված ՀՀ կառավարության պահուստային ֆոնդի հաշվին ՀՀ սահմանադրական դատարանին հատկացնել լրացուցիչ շուրջ 42.7 մլն դրամ»: