• January 21, 2019

2 բնակարան, 1 առանձնատուն. ի՞նչ ունեցվածք ունի վերջերս ՀԱՀ-ի քոլեջի դեկան նշանակված նախկին փոխվարչապետը

2 բնակարան, 1 առանձնատուն. ի՞նչ ունեցվածք ունի վերջերս ՀԱՀ-ի քոլեջի դեկան նշանակված նախկին փոխվարչապետը

ՀՀ նախկին փոխվարչապետ Վաչե Գաբրիելյանը, որը նաեւ օրերս նշանակվեց Հայաստանի ամերիկյան համալսարանի Բիզնեսի եւ տնտեսագիտության քոլեջի դեկան, փոխվարչապետի պաշտոնը դադարեցնելուց հետո բարձրաստիճան պաշտոնատար անձանց էթիկայի հանձնաժողովին է ներկայացրել իր գույքի եւ եկամուտների հայտարարագիրը:

Որպես անշարժ գույք Գաբրիելյանը հայտարարագրել է 2 բնակարան եւ 1 առանձնատուն: Շարժական գույք` ըստ հայտարարագրի չունի:

Պաշտոնը դադարեցնելու օրվա դրությամբ Գաբրիելյանն ունեցել է 60 հազար դոլարի եւ 24 մլն 11 հազար 62 դրամի չափով հանձնած փոխառություններ: Նրա դրամական միջոցները պաշտոնը դադարեցնելու օրվա դրությամբ կազմել են 3 մլն 950 հազար դրամ եւ 1600 եվրո:

Նախկին փոխվարչապետը 2018 թվականի հունվարի 1-ից մինչ պաշտոնական պարտականությունները դադարեցնելու օրը ունեցել է 13 մլն 719 հազար 176 դրամի չափով եկամուտ: Եկամուտի աղբյուր է հանդիսացել երեք տարբեր տեղերից աշխատավարձերը եւ տրված փոխառությունների դիմաց ստացված տոկոսները: Մասնավորապես, 8 մլն 807 հազար 516 դրամը գոյացել է աշխատավարձից, 259 հազար 555 դրամը գոյացել է այլ աշխատավարձից, 1 մլն 653 հազար 213 դրամը գոյացել է մեկ այլ աշխատավարձից, իսկ ահա 423 հազար 843 դրամ եւ 2 մլն 575 հազար 48 դրամը գոյացել է տրված փոխառությունների դիմաց ստացված տոկոսներից:

© Armtimes.com