• June 30, 2020

Օրը ցերեկով փողոցից գողացել և տարել են. իրավապաշտպանը` «Ալավերդցի Վահագի» մասին

Օրը ցերեկով փողոցից գողացել և տարել են. իրավապաշտպանը` «Ալավերդցի Վահագի» մասին

Քիչ առաջ տեղեկություն տարածվեց, որ այսօր ոստիկանության ծառայողները Երևան քաղաքում հայտնաբերել ու կալանքի տակ են վերցրել Կամո Փիրուզյանի սպանությունը կազմակերպելու, ապօրինի զենք, զինամթերք պահելու համար մեղադրվող Վահագն Աբգարյանին (Ալավերդցի Վահագ):

Այս առնչությամբ զրուցել ենք նրա ներկայացոոցիչ, իրավապաշտպան Մարինա Պողոսյանի հետ:

«Նրան ապօրինի են զրկել պաշտպանության իրավունքից, փողոցից գողացել-տարել են մի մարդու, ով երբևէ փախած չի եղել, նա ամեն օր բուժում է ստանում: Իրաբանական վարչության պետ Մուրադյանը Երվանդ Վարոսյանի դասընկերն է, այսինքն այսպես են լուծվում հարցերը Նիկոլ Փաշինյանի օրոք»,- նշեց նա:

Հիշեցնենք, որ Լոռու մարզի ընդհանուր իրավասության դատարանի կողմից 01.04.2020թ. կայացված որոշմամբ նրա նկատմամբ որպես խափանման միջոց գրավի կիրառումը ճանաչվել էր թույլատրելի։ Հետագայում Վերաքննիչ քրեական դատարանը բեկանել էր այդ որոշումը։

« Նա գործարար է, ուներ դեղատուն, հյուրանոց, որոնք այս տարիներին, բնականաբար, շատ վատ վիճակի են հասել։ Ուներ ընկերներ, բարեկամներ, որոնք օգնել են»,- ասաց Աբգարյանի ներկայացուցիչ՝ իրավապաշտպան Մարինա Պողոսյանը:

Հիշեցնենք նաեւ, որ մարտի 3-ին «Նուբարաշեն» ՔԿՀ-ում Վահագն Աբգարյանը դաժան ծեծի էր ենթարկվել, ինչից հետո նրա մոտ շաքարային դիաբետ է հայտնաբերվել: Ծեծի դեպքով քրեական գործ է հարուցվել, Հատուկ քննչական ծառայությունում նախաքննություն է ընթանում է, այս դեպքից հետո ՔԿՀ պետն ու մի քանի այլ աշխատակիցներ ազատվել են աշխատանքից:

©Armlur.am