ՍԴ միակ դատավոր Արման Դիլանյանը հայտարարգրել է 107 հազար դոլար, 120 հազար եվրո և 45 միլիոն դրամ

Սահմանադրական դատարանի դատավոր Արման Դիլանյանը դատական համակարգում է 2013 թվականից:

2013 թվականի դեկտեմբերի 12-ին վերջինս նախագահի հրամանագրով նշանակվել է ՀՀ վարչական դատարանի դատավոր, իսկ 2018 թվականին Ազգային ժողովի կողմից ընտրվել է Սահմանադրական դատարանի դատավոր:

Նա 2017 թվականի ապրիլի 28-ին դատավորների միության ընդհանուր ժողովի կողմից ընտրվել է դատավորների միության խորհրդի անդամ:

2018 թվականի սեպտեմբերի 13-ին վերջինս Ազգային ժողովի կողմից ընտրվել է ՍԴ դատավոր: Նշենք, որ վերջինս ՍԴ դատավորի պաշտոնը ստանձնելու հայտարարագիր չի ներկայացրել:

Իրավաբան.net–ը ձեզ է ներկայացանում նրա գույքն ու եկամուտները:

2013 թվականին Արման Դիլանյանը վարչական դատարանի դատավորի պաշտոնը ստանձնելիս Բարձրաստիճան պաշտոնատար անձանց էթիկայի հանձնաժողովին ներկայացրած հայտարարարագրի համաձայն նրա դրամական միջոցները կազմել են.

45 միլիոն դրամ
150 հազար դոլար
120 հազար եվրո:

Նրա եկամուտները կազմել են 2 միլիոն 571 հազար 549 դրամ: Սա ստացվել է 4 աղբյուրից՝ աշխատավարձերից:

2013 թվականի տարկեան հայտարարագրի համաձայն, նրա եկամուտները աճել են՝ հասնելով 5 միլիոն 947 հազար 278 դրամի, որը ստացվել է 3 աղբյուրից՝ աշխատավարձերից և այլ եկամուտից:

2014 թվականի տարեկան հայտարարագրի համաձայն հարկային տարվա վերջում նրա դրամական միջոցները կազմել են.

40 միլիոն դրամ,
150 հազար դոլար,
120 հազար եվրո:

Արման Դիլանյանի եկամուտները կազմել են 5,630,623 դրամ, որը ստացվել է 3 աշխատավարձերից, նա ստացել է նաև 1,150 դոլար եկամուտ՝ փոխառությունից:

2015 թվականի տարեկան հայտարագրում վերջինիս դրամական միջոցները նվազել են.

Դրամական միջոցները հարկային տարվա սկզբում և վերջում կազմել են՝

45 միլիոն դրամից՝ 32 միլիոն 700 հազար դրամ,
150 հազար դոլարից՝ 122 հազար դոլար,
120 հազար եվրոյից՝ 111 հազար եվրոյի:

Նրա եկամուտները կազմել են 6,754,994 դրամ: Սա ստացվել է 3 աղբյուրից՝ աշխատավարձերից:

2016 թվականի տարեկան հայտարարագրում Արման Դիլանյանի դրամական միջոցները շարունակել են նվազել կազմելով՝

29 միլիոն դրամ,
114 հազար դոլար,
105 հազար եվրո:

Եկամուտները կազմել են 6,947,079 դրամ: Սա ստացվել է 3 աղբյուրից՝ աշխատավարձերից:

2017 թվականի տարեկան հայտարարագրում Արման Դիլանյանի դրամական միջոցները կրկին նվազել են.

25 միլիոն դրամ,
107 հազար դոլար,
102 հազար եվրո:

Վերջինս 2017-ին 260.000 հազար դրամ փոխառություն է ստացել:

Աշխատանքի վարձատրությունից ստացված եկամուտները կազմել են 7 միլիոն 443 հազար 986 դրամ, և ստացվել 3 աղբյուրից:

Պաշտոնի ստանձման և 2013 թվականի տարեկան հայտարարգրում Արման Դիլանյանի կին է նշված Արաքսյա Հովսեփյանը:

Վերջինիս 2013 թվականի տարեկան հայտարագրում նշված է.

Դրամական միջոցներ.

6,5 միլիոն դրամ,
14 հազար դոլար:

Աշխատանքի վարձատրությունից ստացած եկամուտը կազմել է 4 միլիոն դրամ:

2015 թվականին որպես Արման Դիլանյանի կին տարեկան հայտարարագիր է ներկայացրել Նաիրա Ալեքսանյանը:

Վերջինիս դրամական միջոցները կազմել են 5 միլիոն դրամ, եկամուտները՝ 1 միլիոն 135 հազար 519 դրամ, որը ստացվել է աշխատավարձից:

2016 թվականին Նաիրա Ալեքսանյանի դրամական միջոները հարկային տարվա վերջում աճել են 500 հազար դրամով, իսկ եկամուտները կազմել ՝ 1 միլիոն 555 հազար 150 դրամ, որը կրկին ստացվել է աշխատավարձից:

2017 թվականին նրա դրամական միջոցները նվազել են՝ կազմելով 3 միլիոն դրամ, եկամուտները՝ 664 հազար 614 դրամ:

Արման Դիլանյանն ունի 2 անչափահաս երեխա: Բարձրաստիճան պաշտոնատար անձանց էթիկայի հանձնաժողովին ներկայացվել է միայն 1 երեխայի, Միքայել Դիլանյանի 2017 թվականի հայտարարագիրը, սակայն դրանում ոչինչ նշված չէ:

Ձեզ ենք ներկայացնում նաև ՍԴ դատավոր Արման Դիլանյանի կենսագրությունը.

Ծնվել է 1974 թվականին Արարատի մարզի Գետափնյա գյուղում:

1996 թվականին ավարտել է ԵՊՀ իրավաբանական ֆակուլտետը:

2004 թվականին շնորհվել է իրավաբանական գիտությունների թեկնածուի գիտական կոչում՝ «Միջազգային հանրային իրավունք» մասնագիտացմամբ: Ատենախոսության թեման՝ «Միջազգային դատարանները և միջպետական վեճերի խաղաղ կարգավորման հիմնահարցերը»:

21.08.1996 թվականից աշխատել է ՀՀ սահմանադրական դատարանում` որպես աշխատակազմի քարտուղարության առաջին կարգի մասնագետ, ապա` նախագահի տեղակալի օգնական, իսկ այնուհետև` իրավախորհրդատվական ծառայության (վարչության) անհատական դիմումների վերլուծության բաժնի վարիչ:

29.09.2012 թվականից մինչև 26.04.2013 թվականը կատարել է ՀՀ սահմանադրական դատարանի աշխատակազմի իրավախորհրդատվական ծառայության (վարչության) պետի պարտականությունները:

03.04.2006 թվականից մինչ օրս դասավանդում է Հայ-Ռուսական (Սլավոնական) համալսարանում («Միջազգային իրավունք», «Միջազգային արդարադատություն» առարկաներ): Նույն թվականից մինչև 2013 թվականի փետրվար ամիսը հանդիսացել է Հայ-Ռուսական (Սլավոնական) համալսարանի իրավաբանական ֆակուլտետի Միջազգային և եվրոպական իրավունքի ամբիոնի վարիչը:

2013 թվականի դեկտեմբերի 12-ին ՀՀ Նախագահի հրամանագրով նշանակվել է ՀՀ վարչական դատարանի դատավոր:

2015 թվականից դասավանդում է ՀՀ Փաստաբանական դպրոցում («Ներկայացուցչությունը վարչական դատավարությունում», «Ներկայացուցչությունը վարչական վարույթում» առարկաներ):

2017 թվականի ապրիլի 28-ին ՀՀ դատավորների միության ընդհանուր ժողովի կողմից ընտրվել է ՀՀ դատավորների միության խորհրդի անդամ: Ընդգրկված է «Դատական իշխանություն» ամսագրի խմբագրական խորհրդի կազմում:

Հեղինակ է մի շարք գիտական հոդվածների:

Ամուսնացած է: Ունի երկու զավակ: