• July 8, 2020

«Աղվեսն իր պոչին է վկա բերում», իսկը էդ իրավիճակն է։

«Աղվեսն իր պոչին է վկա բերում», իսկը էդ իրավիճակն է։

Ժողովրդական խոսք կա. «Աղվեսն իր պոչին է վկա բերում», իսկը էդ իրավիճակն է։

Օրեր առաջ, ՀՀ կառավարության աշխատակազմի ղեկավար Էդուարդ Աղաջանյանի ընտանիքին պատկանող կազմակերպությունում (զվարճանքի վայր) ՀԴՄ կտրոն չեն տրամադրել, այդ մասին մամուլը գրեց, հետն էլ կցեց մի տեսանյութ, որով ամեն ինչ պարզ դարձավ։ Իսկ ով այդ մասին բարձրաձայնում է, ավելին` պահանջներ ներկայացնում, առաջարկում են պատվիրածը «հյուրասիրել», դե ոնց կստացվի` կստացվի, իսկ եթե չես համաձայնում, ապա առաջարկում են հեռախոսահամար թողնել, գնալ, հետո ՀԴՄ կտրոնը պատրաստ լինելու դեպքում կզանգեն, կգաս ու կտանես։ Անցանք։ Հետո գրում են ու ցույց են տալիս, որ ծառայողական անհարաժեշտությունից դուրս, ոչ աշխատանքային ժամին, կրկնում եմ` ոչ աշխատանքային ժամին, Աղաջանյանին սպասարկող մեքենաները ՃԵԿ կանոնների խախտմամբ կայանած են լինում նրա ընտանիքին պատկանող նույն կազմակերպության մուտքի առջեւ։ Կարգին տուգանք է հասնում, բայց չգիտենք, ՃՈ-ն արդյո՞ք տուգանել է Աղաջանյանին սպասարկող մեքենաների վարորդներին։ Արդյո՞ք խտրական մոտեցում չի դրսեւորել։ Ինչ որ է, չգիտենք։ Աղաջանյանը բարկանում է, երբ դրա մասին լսում է, հետն էլ պատասխանելով հաստատում այդ ողջ տեղեկատվությունն ու պնդում, որ դրա մասին բարձաձայնողները ազգի դավաճաններ են։ Չհասկացանք, թե դավաճանը ըստ նրա, ինչպես է լինում։ Ասենք, եթե մի տեղ գնում ես ու քեզ սպասարկում են, հետո ՀԴՄ կտրոն չեն տալիս, իսկ դրա մասին վարչապետը քանիցս ասել է’ պահանջեք, պահանջում են, ու ՀԴՄ կտրոն չեն տրամադրում, փորձում ես դրա մասին խոսել, խոսելուց հետո էլ բանը հասնում է նրան, որ դառնում ես ազգի դավաճան։ Չգիտեմ։ Մի տեսակ հովիկաղազարյանական ոճով շուռումուռ տված նախադասություն ստացվեց, բայց դրա մեղավորը մենք չենք, այլ սա մի ապարդյուն փորձ էր «արդարացնելու» Աղաջանյանին։ Իսկ թե որտեղ է կոռուպցիան, որտեղ աշխատող կազմակերպությունը ՀԴՄ չի տալիս, փոխարենը առաջարկվում է` հյուրասիրություն լռության դիմաց, դա էլ թողնենք ձեր արդարամտությանը։ Դե, կարող էր ասել` որ այդ ամենը ճիշտ չէ, բայց իմ վրա շառ են անում։ Ու՞մ էինք մի կտոր ցամաք հաց տվել, որ բավարարվել է էդքանով։

 

Հեղինակ Ա․Հայրապետյան