«Հայաստանն առաջ քաշեց, այսպես կոչված, «Խաղաղության խաչմերուկ» նախագիծը, և այժմ աշխարհում չկա մի երկիր, որին այն չներկայացնի։ Չնայած այս, այսպես կոչված, «նախագիծն» առանց Ադրբեջանի գրոշի արժեք չունի»,- ասել է Ալիևը՝ տրանսպորտի հարցերին նվիրված հանդիպման ժամանակ։

«Եթե դուք իսկապես ցանկանում եք իրականացնել այս նախագիծը, ապա առաջին հերթին պետք է դիմեք Ադրբեջանին, քանի որ առանց մեզ դա ընդամենը թղթի կտոր է։ Եվ մեր պայմաններն արդար են՝ հիմնված միջազգային իրավունքի և հենց Հայաստանի պարտավորությունների վրա»,- հավելել է Ալիևը։

Զարգացնելով թեման՝ Ադրբեջանի նախագահը զեկուցել է, որ «ինչպես միջազգային մակարդակով, այնպես էլ Հայաստանի հետ երկկողմ շփումների ընթացքում մենք անընդհատ շեշտում ենք մեկ հարց՝ պետք է ապահովել Ադրբեջանից Ադրբեջան անարգել անցումը։ Պետք է լինի հարմարավետ և ազատ անցում Ադրբեջանից դեպի Ադրբեջան՝ առանց որևէ ստուգումների և խոչընդոտների։

«Ղարաբաղյան երկրորդ պատերազմում մեր հաղթանակից հետո այս հարցը մտավ միջազգային օրակարգ, մտավ միջազգային լեքսիկոն, և այսօր Զանգեզուրի միջանցքն արդեն իսկ աշխարհում ընդունված արտահայտություն և եզրույթ է։ Եվ իհարկե, մենք գործնական քայլեր ենք ձեռնարկում այդ միջանցքը բացելու ուղղությամբ»,- խոստացել է Ալիեւը։

Հիշեցնենք, որ փաստաթուղթը, որին վկայակոչում է Ալիևը, ենթադրում է հաղորդակցությունների բացում, սակայն ոչ մի խոսք չի նշվում վերահսկողության և ստուգումների բացակայության մասին։ Միևնույն ժամանակ, փաստաթղթում կային բազմաթիվ այլ կետեր, որոնք Ադրբեջանն ինքը չի կատարել, իսկ Լեռնային Ղարաբաղի օկուպացիայից հետո հայտարարությունը, որն, այնուամենայնիվ, ըստ էության իրավական ուժ չուներ, իսպառ կորցրեց իմաստը։