Ադրբեջանը Լաչինի միջանցքում ապօրինաբար տեղադրված անցակետը ներառել է պետական սահմանային անցակետերի շարքում

Ադրբեջանի իշխանություններն Արցախը Հայաստանին կապող միակ ճանապարհի վրա՝ Լաչինի միջանցքում ապրիլի քսաներեքին ապօրինաբար տեղադրված անցակետը ներառել են պետական սահմանային անցակետերի շարքում:

Համապատասխան փոփոխությունները կատարվել են «Ադրբեջանի Հանրապետության պետական սահմանին անցակետերի թվաքանակում և այն տարածքների ցանկում, որտեղ դրանք գտնվում են»։ Որոշումն ընդունվել է Ադրբեջանի նախարարների կաբինետի կողմից, հայտնում է ԱՊԱ գործակալությունը։