Տիգրան Ավինյանի վարկանիշն ընկել է։ Բոլորը վատ են գնահատել նրա աշխատանքը։ Նա ստացել է 5 բալից միայն 2,6 բալը, մինչդեռ, վարչական շրջանների բոլոր ղեկավարները, անգամ՝ Կենտրոն վարչական շրջանի ղեկավարը, որն ամենացածր միավորն ունի մյուղ վարչական շրջանների ղեկավարների համեմատ, ավելի բարձր բալեր են ստացել։ Այս մասին հրավիրված ասուլիսում ասաց «GALLUP International Association»-ի՝ Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանը։
Մասնավորապես, հարցումներից պարզ է դարձել, որ երևանցիները դժգոհ են քաղաքապետ Տիգրան Ավինյանի աշխատանքից՝ հնարավոր 5-ից ստացել է 2,6 միավոր, ինչպես նաև Կենտրոն վարչական շրջանի ղեկավարի աշխատանքից՝ 2,7 միավոր։
Ամենաբարձր գնահատականը ստացել են Քանաքեռ-Զեյթուն և Շենգավիթ շրջանների ղեկավարները՝ 3,9 միավոր։
Յուրաքանչյուր շրջանի բնակիչ գնահատել է իր ղեկավարին և քաղաքապետին։ Երևանցիների 53%-ը դժգոհ է Երևանում նոր շինթույլտվությունների տրամադրման գործընթացից։
