• February 3, 2022

Սյունիքի մարզի դատավորները մտահոգված են. Դատավորները հանդես են եկել հայտարարությամբ

Սյունիքի մարզի դատավորները մտահոգված են. Դատավորները հանդես են եկել հայտարարությամբ

Սյունիքի մարզի դատավորները հանդես են եկել հայտարարությամբ՝ իրենց մտահոգությունը հայտնելով դատավորի Բորիս Բախշիյանի նկատմամբ իրականացվող գործընթացների կապակցությամբ։

Հայտարարության մեջ ասվում է.

ՀՀ Սյունիքի մարզի առաջին ատյանի ընդհանուր իրավասության դատարանի դատավորներս, մտահոգված լինելով նույն դատարանի դատավոր Բորիս Բախշիյանի նկատմամբ իրականացվող գործընթացներով, համոզված լինելով վերջինիս մասնագիտական, բարոյական և անձնական բարձր հատկանիշների վրա, մեր աջակցությունն ու զորակցությունն ենք հայտնում դատավոր Բորիս Բախշիյանին, ակնկալելով վերջինիս նկատմամբ իրականացվող քրեական հետապնդման գործընթացում օրինականության սկզբունքի խստիվ պահպանում, ՀՀ Սահմանադրությամբ, «Հայաստանի Հանրապետության դատական օրենսգիրք» սահմանադրական օրենքով և ՀՀ քրեական դատավարության օրենսգրքով սահմանված՝ անձի և դատավորի իրավունքների ու ազատությունների վերաբերյալ երաշխիքների լիակատար ապահովում։

ՀՀ ՍՅՈՒՆԻՔԻ ՄԱՐԶԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԻ

ԴԱՏԱՎՈՐՆԵՐ

ՆԱՊՈԼԵՈՆ ՕՀԱՆՅԱՆ

ԱՆԱՀԻՏ ԹՈՒՄԱՆՅԱՆ

ՌՈՄԵՆ ԱՀԱՐՈՆՅԱՆ

ԱՇՈՏ ՀՈՎՀԱՆՆԻՍՅԱՆ

ԿԱՐԱՊԵՏ ԲԱԴԱԼՅԱՆ

էՄԻՆ ԱԲԳԱՐՅԱՆ

ԼՈՒՍԻՆԵ ՍԵՓԽԱՆՅԱՆ

ԳՆԵԼ ԳԱՍՊԱՐՅԱՆ