Իրավապաշտպան Մարինա Պողոսյանը մի քանի տասնյակ քաղաքացիների հետ այսօր բողոքի ակցիա իրականացրեց ՀՀ Գլխավոր դատախազության շենքի առաջ՝ գլխավոր դատախազ Աննա Վարդապետյանից պահանջելով արդար քննություն իրականացնել իրենց կազմակերպության կողմից դեռ նախորդ տարվա հոկտեմբերի 19-ին հանցագործության մասին ներկայացված հաղորդման վերաբերյալ, որի մասով քրեական վարույթ է նախաձեռնվել։
«467 միլիոն դոլար մեր՝ Հայաստանում ապրող բնակիչների հարկերից մենք ուղարկել ենք Արցախ՝ մեր քույրերին ու եղբայրներին, սակայն մի շար պաշտոնյաներ յուրացրել են այյդ գումարը։ Սա եղել է դարի քցոցին, որ Արցախի և Հայաստանի իշխանությունները իրար հետ պայմանավորվել, և մեզ ոչխարի տեղ դրած՝ մեր գումարները ուղարկել են այնտեղ»։
Ակցիային մասնակիցների թվում էին նաև Ստեփանակերտի բենզինի պահեստի պայթյունի հետևանքով զոհված քաղաքացիների հարազատները, որոնք ևս եկել էին՝ գլխավոր դատախազից պահանջելու գործի արդար քննություն։
Ամփոփելով ակցիան՝ իրավապաշտպանը, անդրադառնալով իր նկատմամբ շարունակ տեղի ունեցող մահափորձերին, դիմեց գլխավոր դատախազ Աննա Վարդապետյանին․
«Եթե դու որոշել ես բաց թողնել հանցագործներին, որոնք պիտի մեզ վերացնեն, հավատա, որ եթե որևէ մեկը մեկ անգամ էլ փորձի մահափորձ անել, տեղնուտեղը գնդակահարվելու է։ Լավ իմացեք»,-ասաց նա։
© ORAGIR.NEWS https://oragir.news/hy/material/2024/04/04/112443?fbclid=IwAR3EnjmnMJFvJbKek5C2E_IffdAF7ctnzVH38Ha5U1RcljlSa89IWi55BPw_aem_ATZ4UiHhinrChs-0gRYSYPR2SUOP5T2Sp5xa6KYLIe-EVIudRGQ-YaNrh6byPW_OfCzPwZYchY9bkkYY9WRV0LMz
