Այս պահին աշխատում ենք ՀՀ Սահմանդրության տեքստի վրա։ Այս մասին լրագրողների հետ զրույցում ասաց ՀՀ արդարադատության նախարար Սրբուհի Գալյանը։
Հարցին, թե ինչ է նշանակում, որ ՀՀ Սահմանդրությունը, ըստ վարչապետի, պետք է ունենա «տարածաշրջանային նշանակություն», նախարարը պատասխանեց․
«Մինչև տեքստը չլինի, մեկնաբանություն չեմ կարող անել։ Տեքստը դեռ մշակման փուլում է։ Ես տեքստի վերաբերյալ չեմ ասելու որևէ բան մինչև տեքստը չհրապարկվի, որպեսզի հետո խնդիրների առաջ չկանգնենք»։
Նրա խոսքով՝ նոր Սահմանադրությունը ընդունելու կամ մերժելու է ժողովուրդը։
«Խաղաղությանը, խաղաղության պայմանագրին և խաղաղությանը միտված հարաբերությունները չվտանգող Սահմանադրության մասին է խոսքը։ Մենք մեր սահմանների տերն ենք, և այդ սահմաններն արտացոլված են համապատասխան քարտեզների մեջ»,– նշեց Գալյանը։
Ճշտող հարցին, թե այնպես են աշխատո՞ւմ, որ նոր Սահմանադրությունը չվտանգի խաղաղության համաձայանագրի կնքմանը, նախարարը պատասխանեց․ «Մեր վարքագիծը և գործելաոճը ցանկացած միջավայրում պետք է կառուցենք այնպես, որպեսզի մեր երկրում հաստատվի խաղաղություն և զարգանա անվտագային միջավայրը»։
