Ըստ «Հայկական ժամանակ»-ի և «Հետք»-ի հրապարակումների, Սերժ Սարգսյանը վկայի կարգավիճակով հարցաքննվել է «Մարտի 1»-ի գործի շրջանակներում: Հարցաքննությունը տեղի է ունեցել փետրվարի 1-ին, տևել է շուրջ 6 ժամ, չի ավարտվել և դեռ պետք է շարունակվի:
Հատուկ քննչական ծառայությունը հրաժարվում է մեկնաբանել այս տեղեկությունը, սակայն մինչ այս պահը տարածված լուրը ՀՔԾ-ի կողմից չի հերքվել։
Սերժ Սարգսյանը 2008 թվականի մարտին դեռ Հայաստանի վարչապետն էր, և փետրվարին տեղի ունեցած ընտրությունների արդյունքներով ընտրվել էր Հայաստանի նախագահ: Ընդդիմությունը վիճարկում էր ընտրությունների պաշտոնական արդյունքները և շուրջօրյա հանրահավաքներով իշխանափոխություն էր պահանջում:
© Azatutyun.am
