Հրազդանի նախկին քաղաքապետը կարող է ազատազրկվել 12 տարով

| Veles ngo | ,

Հրազդանում իրականացվել է իրավական և մասնագիտական հսկողություն, որի արդյունքում արձանագրվել են մի շարք թերություններ և իրավախախտումներ։ Արդյունքում Հրազդանի նախկին համայնքապետ Արամ Դանիելյանի նկատմամբ Կոտայքի մարզի դատախազությունում հարուցվել է քրեական գործ՝ քրեական օրենսգրքի 179-րդ հոդվածի 3-րդ մասի 1-ին կետի և 308-րդ հոդվածի 1-ին մասի հատկանիշներով։ Այսինքն՝ պաշտոնեական դիրքն օգտագործելով՝ առանձնապես խոշոր չափերով գողություն, որը պատժվում է ազատազրկմամբ` հինգից ութ տարի ժամկետով` գույքի բռնագրավմամբ կամ առանց դրա: Երկրորդ հոդվածը վերաբերում է պաշտոնեական դիրքը չարաշահելուն, որը պատժվում է տուգանքով՝ նվազագույն աշխատավարձի երկուհարյուրապատիկից երեքհարյուրապատիկի չափով, կամ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը հինգ տարի ժամկետով, կամ կալանքով՝ երկուսից երեք ամիս ժամկետով, կամ ազատազրկմամբ՝ առավելագույնը չորս տարի ժամկետով: Երկու մեղադրանքներում մեղավոր ճանաչվելու դեպքում Արամ Դանիելյանը առավելագույնը կարող է ազատազրկվել 12 տարով։

 269 Ընդհանուր դիտումներ,  3 Օրվա դիտումներ

Like this:


© Copyright 2018 | All rights reserved. designed by Hakob Jaghatspanyan for ”Veles” Human Rights NGO

%d bloggers like this:
?>