Նման սարքերի անհրաժեշտությունը մեծանում է, քանի որ դատարանները սկսել են ավելի հաճախ կիրառել մեղմ խափանման միջոցներ:
.ՀՀ կառավարությունը Լեհաստանից կգնի ևս 200 էլեկտրոնային թևնոց՝ տնային կալանքի և վարչական հսկողության պահպանումը վերահսկելու համար: Որոշումն ընդունվեց ՀՀ կառավարության այսօրվա նիստի ժամանակ։
2023 թ. հոկտեմբերին ՀՀ կառավարությունը և լեհական «Enigma information protection systems» ընկերությունը պայմանավորվել են 1000 էլեկտրոնային սարք ձեռք բերելու մասին, դրանցից 650–ը նախատեսված կլինի տնային կալանքը վերահսկելու, իսկ 350–ը՝ վարչական հսկողության համար։
Հաշվի առնելով, որ ձերբակալման կամ կալանավորման փոխարեն ՀՀ դատարաններն ավելի ու ավելի շատ են կիրառում ավելի մեղմ խափանման միջոցներ` անհրաժեշտություն է առաջացել ձեռք բերել լրացուցիչ հսկիչ սարքեր:
Այս պահին տնային կալանքի վերաբերյալ կա 532 որոշում, վարչական հսկողության վերաբերյալ՝ 373–ը։
