Իրավապաշտպան Մարինա Պողոսյանը և մի քանի արցախցիներ այսօր բողոքի ակցիա էին իրականացնում Գլխավոր դատախազության շենքի դիմաց։ Նրանք ցանկանում էին հանդիպել ՀՀ գլխավոր դատախազ Աննա Վարդապետյանի հետ։
Մարինա Պողոսյանի խոսքով՝ իրենց ձեռքի տակ փաստաթղթեր են հայտնվել, որոնք փաստում են, որ Արցախի ներդրումային հիմնադրամից 467 միլիոն դոլար է յուրացվել։ Իրենք բացահայտել են այդ գումարից 27 միլիոն դոլարի յուրացումը։
Հենց այս բացահայտման մանրամասներն էլ Պողոսյանը ցանկանում էր տրամադրել գլխավոր դատախազին։
Oragir.News-ի հարցին՝ արդյոք իր գումարների յուրացման բացահայտածը վերաբերվում է ԱՀ նախագահ Արայիկ Հարությունյանի՞ կառավարման տարիներին, Մարինա Պողոսյանն ասաց․
«Այո՛, կոնկրետ այս 27 միլիոն դոլարը Արայիկ Հարությունյանի կառավարման տարիներին է եղել, բայց մենք չմոռանանք, թե ում ձագն է եղել Արայիկ Հարությունյանը»։
Ճշտող հարցին՝ հաշվի առնելով Նիկոլ Փաշինյան-Արայիկ Հարությունյան սերտ կապը, նաև, որ այսպես ասած Նիկոլ Փաշինյանն է «նշանակել», վերահսկել Արցախի նախագահի աշխատանքը, կարո՞ղ ենք ասել, որ Նիկոլ Փաշինյանը թալանեց ու հանձնեց Արցախը և այդ պատճառով է, որ Դատախազությունը գործի չի հարուցում, իրավապաշտպանը պատասխանեց․
«Դատախազությունը ինչո՞ւ չի վերահսկում, դրա պատասխանը պետք է ստանանք Աննա Վարդապետյանից։ Ես չեմ ուզում սուրճի բաժակ նայել։ Ես ընդհանրապես որևէ իշխանության կողմ չեմ եղել, որովհետև ինձ համար այս ու հին իշխանություն չկա, իրենք բոլորն իրավահաջորդներ են՝ պապան ու ճուտիկները։ Իսկ Արայիկ Հարությունյանին միայն Նիկոլ Փաշինյանը չի բերել, նա Բակո Սահակյանի աջ ձեռքն է եղել»։
Մանրամասները՝ տեսանյութում։
© ORAGIR.NEWS https://oragir.news/hy/material/2024/01/30/105139?fbclid=IwAR29l_mermQIjZsXa4XBz_pRHRJCoaXqPkd9S-fQSEwxwYwJqHbEENRCsxQ
