Հայաստանում կստեղծվի Ներքին գործերի նախարարություն. ԱԺ-ն ընդունեց նախագիծը

| Veles ngo | ,

ՀՀ ազգային ժողովը երկրորդ ընթերցմամբ և ամբողջությամբ ընդունեց կառավարության ներկայացրած օրենսդրական նախաձեռնությունը, ըստ որի ստեղծվում է Ներքին գործերի նախարարություն:

«Կառավարության կառուցվածքի եւ գործունեության մասին» օրենքում փոփոխություններ եւ լրացումներ կատարելու մասին և կից ներկայացված օրենքների նախագծերի փաթեթն ԱԺ նիստում ընդունվեց՝ ստանալով 67 «կողմ», 6 «դեմ» ձայներ:

Ներքին գործերի նախարարության շրջանակներում ամփոփվելու են երեք ծառայություններ՝ փրկարար ծառայությունը, ոստիկանությունն ու միգրացիայի ու քաղաքացիության ծառայությունը: Նախարարության ենթակայության ներքո լինելու է առանձին ակադեմիա, որը պատասխանատու կլինի կադրերի որակի համար, կիրականացնի համապատասխան ուսուցումը:

 

Առաջին ընթերցմամբ ընդունումից հետո օրենսդրական փաթեթի մասով փակ քննարկում է տեղի ունեցել ԱԺ երկու հանձնաժողովների մասնակցությամբ, քննարկվել են դետալները: Արդյունքում փաթեթում կատարվել են որոշակի խմբագրումներ, շտկվել են տեխնիկական թերությունները:

«Հայաստան» խմբակցությունից ներկայացվել են 4 առաջարկներ, որոնցից 3-ը չեն ընդունվել: Խմբակցությունն առաջարկել է ոստիկանության բարձրագույն կոչումների շնորհման գործընթացը շարունակել վերապահել Հանրապետության նախագահին: Բայց, Արդարադատության փոխնախարար Արփինե Սարգսյանի խոսքով, հաշվի առնելով, որ Ոստիկանությունը դառնում է ՆԳՆ պետական մարմին, այդ կանոնակարգը գործել չի կարող: Մի առաջարկն էլ ընդունվել է մասամբ:

 80 Ընդհանուր դիտումներ,  3 Օրվա դիտումներ

Like this:


© Copyright 2018 | All rights reserved. designed by Hakob Jaghatspanyan for ”Veles” Human Rights NGO

%d bloggers like this: