Երեւան-Սեւան մայրուղում Հրազդանի հատվածում իրավիճակը լարված է. ոստիկանները փորձում են ուժով ազատել ճանապարհը:
Ճանապարհը փակած քաղաքացիներից մեկը դիմելով ակցիայի մասնակիցներին քաշքշող ոստիկանին՝ ասաց. «Քեզ չեն սովորացրե՞լ՝ ոնց պետք է վարվես քաղաքացու հետ: Անհամաչափ ուժ ես գործադրում»:
Ոստիկաննէլ պատասխանեց, որ հրաման է կատարում:
Այդ պահին ոստիկանները սկսեցին մարդկանց հրելով բացել ճանապարհը: Հրեցին նաեւ ԱԺ պատգամավոր Արթուր Խաչատրյանին:
Երբ լրագրողը ոստիկաններից մեկին դիելով ասաց, որ նա ձեռք է բարձրացնում ԱԺ պատգամավորի վրա, վերջինս արձագանքեց. «Ձեր գործին անցեք, հա՞: Խանգարում ես իմ աշխատանքին, կպի գործիդ, գնա էն յան ստեղից»:
Դրանի քիչ անց ոստիկանները սկսեցին բերման ենթարկել քաղաքացիներին, այդ թվում բերման ենթարկվեց Արթուր Խաչատրյանը:
Ավելի վաղ հայտնել էինք, որ անհնազանդության ակցիաները շարունակվում են ողջ հանրապետությամբ։ Այսօր ճանապարհներ էին փակվել մայրաքաղաքի տարբեր վարչական շրջաններում և ողջ հանրապետությունում։
