Կոտայքի նախկին մարզպետ Կովալենկո Շահգալդյանին և նրա քաղաքապետ որդուն մեղադրում են լիազորությունների չարաշահման մեջ

SHAMSHYAN.com-ի տեղեկություններով, Հայաստանի հատուկ քննչական ծառայության պետ Սասուն Խաչատրյանին է դիմել Չարենցավան քաղաքի 4-րդ թաղամասի բնակիչ, 54-ամյա Նորիկ Վարդանյանը, և հայտնել, որ 2006թ. ինքը պետությունից գնել է Չարենցավան-Արզական խաչմերուկում գտնվող նախկին բենզալցակայանը և այն իր միջոցներով վերագործարկել ու կառուցել գազալցակայան: Կայքի տեղեկություններով, Ն. Վարդանյանը Ս. Խաչատրյանին տեղեկացրել է, որ 2009 թվականին Կոտայքի նախկին մարզպետ Կովալենկո Շագգալդյանը ստիպել է իրեն, որպեսզի իրեն պատկանող նշված գազալցակայանի հարյուր տոկոսի կեսը ձևական՝ 150 հազ. դրամով, վաճառի իր որդուն՝ Հակոբ Շահգալդյանին: Ֆոտոլրագրողը հայտնում է, որ Հ. Շահգալդյանը ներկայումս հանդիսանում է Չարենացավանի քաղաքապետը: Փաստի առթիվ ոստիկանության Կոտայքի մարզային վարչությունում ՀՀ քրեական դատավարության 180-181 հոդվածների կարգով հետագա ընթացքը լուծելու նպատակով՝ պաշտոնական լիազորությունների չարաշահում հատկանիշներով դիմումն ուղարկվել է ոստիկանության Չարենցավանի բաժին: © Armtimes.com