«Կոստանյանը նախկին ռեժիմի օրոք բազմաթիվ ոճրագործություններ է կոծկել». կալանավորի կինը բարձրաձայնում է

«Գևորգ Կոստանյանը իրավունք չունի խոսելու համաներման մասին, քանի որ նա նախկին ռեժիմի օրոք բազամաթիվ անարդարությունների հովանավոր է»,-Armdaily.am-ի թղթակցի հետ զրույցում ասաց «Սարի թաղի» գործով կալանավորված, ապա ազատ արձակումից հետո մեկ այլ գործով կրկին կալանքի տակ գտնվող Էդուարդ Զեյթունցյանի կինը՝ Լալա Բերնեցյանը: Լալա Բերնեցյանը շեշտում է, որ Կոստանյանը հայտնել է` երկրում կա 4 հազարից ավել կալանավոր, բայց համաներման շրջանակում ազատ կարձակվի մոտ 700 հոգի.«Կոստանյանը նշեց, որ եթե կեսը դուրս գան , ապա սոցիալական խնդիրների լուծման կարիք կլինի:Կոստանյանը այն մարդն է, ով տարիներ շարունակ ծառայել է հանցավոր ռեժիմին, քողարկելով բազմաթիվ հանցագործություններ: Նա պատվեր կատարելով բազմաթիվ կյանքեր է խորտակել: Հիմա համաներման շեմին, երբ բազում կալանավորներ սպասում են իրենց ազատման լուրին հայտարարում է, որ միայն 700 կալանավոր կարող են օգտվել համաներումից:Ո՞վ է այդ մարդուն իրավունք տվել համաներման մասին խոսել: Նա իր դատախազ եղած ժամանակահատվածում կոծկել է ոճրագործությունները»,-նշեց Լալա Բերնեցյանը հավելով, որ Գևորգ Կոստանյանը մշտապես խախտել է Հայաստանի Հանրապետության օրենքները: «Կալանավորների 80 տոկոսը նախկին ռեժիմի զոհերն են»,-հայտարարում է Լալա Բերնեցյանը: Լալա Բերնեցյանը շեշտում է, որ Գևորգ Կոստանյանը սպասարկել է ՀՀԿ-ի շահերը ու այդ փաստի վրա չի կարելի աչք փակել: «Կոստանյանը ամեն բան կփչացնի ու բազմաթիվ մարդկանց կրկին կկոտրի: Նա ՀՀԿ-ի ծառան է և մեր կողմից չի ներվի: Զեյնալյանը խոստացել է, որ լայնամասշտաբ համաներում կլինի: Մի կոտրեք բազմաթիվ դատապարտյալների հույսերը»,-եզրափակեց Լալա Բեռնեցյանը: © Armlur.info