«Նիկոլ Փաշինյանը ճիշտ էր։ Ես սխալվեցի»՝ այս խոսքերով երկիրի ղեկավարի պաշտոնին հրաժեշտ տալով հեռացավ Երրորդ Հանրապետության պատմության ընթացքում ամենակարճ պաշտոնավարած վարչապետը` Սերժ Սարգսյանը, ով վարչապետի պարտականություններն իրականացրեց ընդամենը 7 օր:
Արդեն տևական ժամանակ Սերժ Սարգսյանն ակտիվ քաղաքականության մեջ չէ, նա հրապարակային հանդիպումներ և ելույթներ չի ունենում և զբաղված է կուսակցական գործունեությամբ:
Այսպիսով, Zham.am-ը ներկայացնում է, թե ինչ ունեցվածքով հեռացավ Սերժ Սարգսյանը:
Մայիսի 2-ին ներկայացված պաշտոնի դադարեցման հայտարարագրում Սերժ Սարգսյանը գրանցել է 1 բնակարան և MITSUBISHI MONTERO-SPORT 3.5 I մոդելի ավտոմեքենա:
Սարգսյանի փոխառությունները կազմել են 107 մլն 998 657 դրամ:
Դրամական միջոցները կազմել են 25 մլն 200 000 դրամ:
Եկամուտները` 19 մլն 871 282 դրամ, որը գոյացել է հետևյալ միջոցներից`
15 մլն 470 010 դրամ` աշխատանքի վարձատրություն,
689 078 դրամ` աշխատանքի վարձատրություն,
3 մլն 712 194 դրամ` տրվա փոխառություններից ստացված եկամուտ:
Սերժ Սարգսյանը հայտարարագրել է նաև 8 մլն դրամը գերազանցող 3 անուն թանկարժեք գույք`
Հնաոճ իրեր,
Կտավների հավաքածու,
Ժամանակակից նկարիչների կտավներ:
Սերժ Սարգսյանի տիկնոջ` Ռիտա Սարգսյանի ունեցվածքի վերջին հայտարարգիրը 2017 թվականի տարեկան հայտարարագիրն է, որը ներկայացվել է ս/թ մարտի 20-ին:
Ռիտա Սարգսյանը հայտարարագրել է միայն դրամական միջոցներ և եկամուտներ:
Հարկային տարվա սկզբին դրամական միջոցները կազմել են 17 մլն 950 000 դրամ, որը հարկային տարվա ավարտին աճել է` դառնալով 18 մլն 600 000 դրամ:
Եկամուտները կազմել են 10 մլն 553 294 դրամ, որը գոյացել է տրված փոխառություններից ստացված տոկոսից:
© Zham.am
