Դոնալդ Թրամփն իրեն հռչակեց ԱՄՆ նախագահական ընտրությունների հաղթող։ Այս մասին նա հայտարարել է Ֆլորիդայում իր կողմնակիցների հետ հանդիպմանը։
Թրամփն իր ելույթում ընդգծել է, որ քաղաքական հաղթանակ է տարել՝ իրեն անվանելով Միացյալ Նահանգների 47-րդ նախագահ և արդյունքը որակել «զարմանալի» ։
«Մենք հասել ենք ամենաանհավանական քաղաքական հաղթանակին, որը երբևէ տեսել է մեր երկիրը», — ասել է Թրամփը։
Թրամփը խոստացել է ԱՄՆ-ի համար «ոսկե դար» և կարծիք է հայտնել, որ ընտրություններում հաղթանակ է տարել՝ ի շահ երկրի բոլոր մարդկանց։
