Դատավորից՝ ԱԱԾ տնօրենի տեղակալ. աղմկահարույց նշանակումը կլինի՞

ArmDaily.am-ի տեղեկություններով՝ Լոռու մարզի ընդհանուր իրավասության դատարաի դատավոր Անդրանիկ Սիմոնյանի լիազորություները երեկ դադարեցվել են։ Մեզ հայտնի է դարձել, որ Սիմոնյանը տեղափոխվում է այլ պաշտոնի, նա նշանակվելու է ԱԱԾ տնօրենի տեղակալ։ Նա դատավոր էր նշանակվել 2020թ հունիսին։ Նկատենք, որ դեռեւս շաբաթներ առաջ տելեգրամյան ալիքներից մեկը գրել էր այս հնարավոր նշանակման մասին՝ նշելով, որ Սիմոնյանի համար միջնորդել է «Իմ քայլ»-ի պատգամավոր Հակոբ Սիմիդյանը: Դեռեւս այդ ժամանակ իրավապաշտպան Մարինա Պողոսյանը ArmDaily.am-ին հայտնել էր, որ «եթե նման բան լինի՝ Բաղրամյանում խփված պալատկեքը տանելու է ԱԱԾ-ի դիմաց ու ամբողջ ժողովրդին հանելու է սրանց դեմ»։ «Այսպես ապականել ԱԱԾ-ն՝ անթույլատրելի է։ Անդրանաիկ Սիմոնյանին անձամբ եմ ճանաչում, իր դեմ 5 կարգապահական վարույթ է հարուցվել։ Առհասարակ, ամբողջ Լոռու մարզում թնդում է, որ Անդրանիկ Սիմոնյանը աշխատավարձ ստանալով՝ գործի չի գնում ու բոլորին հայտարարում է, որ КГБ է գնում։ Բայց դա ավելի անհավանական էր, քան Մակունցին դեսպան նշանակելը։ Ես կարծում եմ, որ այդ նշանակումից առաջ՝ նախ պետք է ճշտել Սիմոնյանի ներգրավվածությունը տարբեր տեսակի կոռուպցիոն գործերի մեջ, թե այս 6 ամսվա ընթացքում ինքը ինչ քրեական հեղինակությունների խափանման միջոցներ է փոխել և այլն»,-ասել էր Պողոսյանը։ © Armdaily.am

 3,108 Ընդհանուր դիտումներ,  1 Օրվա դիտումներ

Like this:


© Copyright 2018 | All rights reserved. designed by Hakob Jaghatspanyan for ”Veles” Human Rights NGO

%d bloggers like this: