Դատական համակարգի «ոսկե» երիտասարդը. ինչ ունեցվածք ունի վարչական դատարանի նախագահը

ArmLur.am-ը շարունակում է ներկայացնել դատավորների ունեցվածքի, դրամական միջոցների մասին տեղեկություն:

Այս անգամ հերթը ՀՀ վարչական դատարանի նախագահ Աղասի Դարբինյանինն է, որը ինչպես հայտնի է`Վանաձորի նախկին քաղաքապետ Սամվել Դարբինյանի որդին է: Ասել է թե`հերթական «ոսկե» երիտասարդը:

Այսպես, կրտսեր Դարբինյանն ունի անհատական բնակելի մեկ տուն, մեկ բնակարան, բազմաբնակարան բնակելի մեկ շենք, մեկ հողամաս եւ արտադրական նշանակության մեկ շինություն: Այսինքն` մեկից ավելի բնակարաններ: Նաեւ` երեք`«Range Rover sport», «Gaz 322132», «Gaz 24» մակնիշի մեքենա: Երիտասարդ դատավորի փոխառությունը պաշտոնը ստանձնելու ժամանակ կազմել է 30 մլն 817 հազար դրամ: ՀՀ վարչական դատարանի նախագահ Աղասի Դարբինյանը հայտարարագրել է 52 մլն դրամ:

Ի դեպ, Դարբինյանը 2018 թվականի տարեկան հայտարարագիր չի ներկայացրել, իսկ 2017 թվականի (այդ ժամանակ նա վարչական դատարանի դատավոր էր) տարեկան հայտարարագրով նշված է, որ նրա` որպես եկամուտ հայտարարագրած աշխատավարձը ամսական կազմել է 590 հազար դրամ: Բացի աշխատավարձից, պարզվում է, որ Դարբինյանը 28 մլն 217 հազար դրամի չափով փոխառություն, վարկ է ստացել: Իսկ ահա նրա կինը` Գայանե Դարբինյանը, չնայած զրոյական եկամուտին, հայտարարագրել է 44.2 մլն դրամ:

 

© Armlur.am

 111 Ընդհանուր դիտումներ,  1 Օրվա դիտումներ

Like this:


© Copyright 2018 | All rights reserved. designed by Hakob Jaghatspanyan for ”Veles” Human Rights NGO

%d bloggers like this: