Բաց նամակ
ՀՀ Պաշտպանության նախարարության Գլխավոր շտաբի պետ
Օնիկ Գասպարյանին
«Վելես» իրավապաշտպան հասարակական կազմակերպության
նախագահ Մարինա Պողոսյանից
Ե/ 99-11/2020
«25» նոյեմբերի 2020թ.
Պարոն Գասպարյան,
23.10.2020թ. թիվ Ե/ 97-11/2020 գրությամբ Ձեզ հարցում ենք ուղել տեղեկատվություն ստանալու նպատակով, առ այն թե արդյոք ՀՀ վարչապետ Նիկոլ Փաշինյանի կինը՝ Աննա Հակոբյանը, 2020թ․ սեպտեմբերի 27-ին Ադրբեջանի կողմից սանձազերծված պատերազմի օրերին գտնվել է Հրամանատարական կետում և եթե այո, ապա որ օրերին։ Ինչպես նաև խնդրել ենք նաև տեղեկացնել, որ եթե Աննա Հակոբյանը գտնվել է Հրամանատարական կետում, ապա ինչ լիազորություններ է նա իրականացնել և որ օրենքի դրույթների համաձայն են եղել նրա գործողությունները։
Ի պատասխան մեր հստակ հարցադրմանը ստացել ենք խուսափողական, անդեմ պատասխան ՀՀ ԶՈՒ ԳՇ ՎԿՎ տեղեկատվության բաժնից, որով մեզ հորդորել են մեր հարցումը հղել Արցախի պաշտպանության բանակի հրամանատարին:
Հայտնում և իրազեկում եմ Ձեզ, որ
- Արցախի ՊԲ-ն ենթարկվում է ՀՀ պաշտպանության նախարարությանըև Արցախի պաշտպանական բանակի 90 տոկոսը ՀՀ զինված ուժերն են համալրում:
- Պատերազմի հրամանատարական կետը դա ՊԲ հրամանատարական կետն է:
- ՊԲ հրամանատարական կետը առաջինը ենթարկվում է Ձեզ և դրա պատասխանատու անձը անձամբ Դուք եք:
Ձեր խուսափողական պատասխանով մեզ կանխամտածված ուղղորդում եք Արցախի ՊԲ, քաջ տեղյակ լինելով, որ Արցախը նման օրենսդրություն չունի, չճանաչված պետություն է և կարող է չուղորդվել տեղեկատվության ազատության մասին օրենքով.
փաստացի կանխամտածված ստեղծում եք Ձեզ անհաճո մեր հարցմանը պատասխան ստանալու անհարինություն:
Ըստ Ձեր 25.11.2020թ. պատասխանի մենք պետք է մեր օրինական հարցումը ուղենք Արցախի ՊԲ հրամանատար Միքայել Արզրումանյանին, որի պատասխանը կանխատեսելի է՝ որ իր օրոք նման բան չի եղել և իր հերթին մեզ հորդորի հարցումը ուղել Արցախի ՊԲ նախկին հրամանատար Ջալալ Հարությունյանին, որը գտնվում է կիսագիտակից վիճակում և կարող է հղում անել հիշողության կորուստին:
Պարոն Օնիկ Գասպարյան,
Դուք եք ՀՀ Պաշտպանության նախարարության Գլխավոր շտաբի պետը, Դուք եք պատերազմի պատասխանատուն: Արդյո՞ք Դուք չգիտեք, որ Արցախի ՊԲ-ն ենթարկվում է ՀՀ պաշտպանության նախարարությանը, Արցախի ՊԲ ղեկավարը Ձեզ է ենթարկվում, Դուք չգիտե՞ք, որ Արցախի ՊԲ լեյտենատից բարձր կոչումները տրվում են ՀՀ ՊՆ -ի կողմից:
Պարոն ՀՀ Պաշտպանության նախարարության Գլխավոր շտաբի պետ,
Ակնկալում ենք մեր հարցման հստակ պատասխան, թե ՀՀ վարչապետ Նիկոլ Փաշինյանի կինը՝ Աննա Հակոբյանը պատերազմի օրերին գտնվել է արդյո՞ք հրամանատարական կետում և արդյո՞ք վերջինս փաստացի ղեկավարել է/ միջնորդել է պատերազմական գործողություններին և եթե գտնվել է, ապա որ օրենքի հիման վրա:
Հարգանքով,
«Վելես» ԻՀԿ նախագահ
Մարինա Պողոսյան
